Kahin kahin se har chehara tum jaisa lagta hai
Tum ko bhul n paayenge ham aisa lagta hai

Aisa bhi ek rang hai jo karta hai baaten bhi
Jo bhi isko pehan le wo apna sa lagta hai

Aur to sabkuch theek hai lekin kabhi kabhi yun hi
Chalta phirta shehar achaanak tanha lagata hai

Ab bhi yun milte hain humse phool chameli ke
Jaise inse apana koi rishta lagata hai

Tum kya bichde bhul Gaye rishton ki sharafat Hum
Jo bhi milta hai kuch din hi achha lagta hai